Тус суманд уламжлал болгон зохион байгуулдаг "Наранд ойрхон-2016" тэмээчдийн баярыг 2016 оны 2 дугаар сарын 1-ний өдөр зохион байгуулав. Тэмээчдийн баяраар атан тэмээний урамлдаан, торомны уралдаан, ганган хос шалгаруулах, шилмэл буур, шилмэл ингэ шалгаруулах, тэмээчдийн дунд буухиа тэмцээн зохион байгуулах зэрэг арга хэмжээнүүдийг явууллаа. 
          Ганган хос шалгаруулах тэмцээнд 5-р багийн малчин Өлзийдүүрэнгийн Баатарчулуун, Сааралын Цээсүрэн нар тэргүүн баяр эзэлж, Ө.Дашбат, Г.Гүндэлцоо, О.Бямбажаргал, П.Удбалцэцэг нар удаах байруудыг эзэлсэн байна.
        Буухиа тэмцээнд Бибишийн Төрбат ахлагчтай баг 1-р байранд, Лувсандоржийн Зоригтбаатар ахлагчтай баг 2-р байранд, Нэргүйгийн Өлзийбат ахлагчтай баг 3-р байрыг тус тус эзэлжээ.
           Шилмэл буур шалгаруулахад 5-р багийн малчин Дархижавын Мөнхдалайгийн хүрэн буур 1-р байр, 5-р багийн малчин Жадамбын Сэлэнгэбаатарын хүрэн буур 2-р байр, 4-р багийн малчин Лувсандоржийн Батсүхийн хар буур 3-р байр, 2-р багийн малчин Пагважавын Жамбалын цагаан буур 4-р байр, 1-р багийн малчин Билэгтийн Эрдэнэтулгын улаан буур 5-р байранд шалгарчээ.
           Шилмэл ингэ шалгаруулахад 1-р багийн малчин Чойнзонгийн Отгондэлэгийн шар 1-р байр, 5-р багийн малчин Жадамбын Сэлэнгэбаатарын хүрэн 2-р байр, 5-р багийн малчин Дархижавын Мөнхдалайгийн бор 3-р байр, 4-р багийн малчин Лувсандоржийн хүрэн 4-р байр_ 2-р багийн малчин Тэгшжаргалын Эрдэнэбилэгийн цэнхэр 5-р байранд тус тус шалгарчээ.